لکی مروت میں نامعلوم افراد کی فائرنگ سے پولیس اہلکار سمیت 3 افراد جاں بحق

لکی مروت میں نامعلوم افراد کی فائرنگ سے پولیس اہلکار سمیت 3 افراد جاں بحق ہو گئے۔

تفصیلات کے مطابق خیبرپختونخوا کے ضلع لکی مروت میں انڈس ہائی وے پر دریائے کرم کے قریب نامعلوم افراد نے فائرنگ کی، جس کے نتیجے میں محکمہ پولیس کے ایم ٹی او سعد اللہ خان اور دو بچے جاں بحق ہوگئے۔ کار میں سوار خواتین فائرنگ سے بچ گئیں۔

ذرائع کےمطابق بچے پولیس اہلکار سعد اللہ خان کے بھانجے تھے، ان کی عمریں آٹھ سے بارہ سال کے درمیان تھی۔ سعد اللہ خان علاج کے سلسلے میں لکی مروت سے پشاور جا رہے تھے۔

پولیس نے متعلقہ علاقے میں ملزمان کی گرفتاری کیلئے سرچ آپریشن شروع کر دیاہے

پولیس کے مطابق واقعے کی تحقیقات جاری ہیں۔ قتل ہونے والوں کی نعشیں ہسپتال منتقل کر دی گئی ہیں اور شواہد اکٹھے کئے جا رہے ہیں۔