لاہور:موٹر سائیکل سوار شہری کا اسکوٹی سوار لڑکی پر تشدد، ملزم گرفتار

لاہور: لاہور میں موٹر سائیکل سوار  شخص نے سڑک پر لڑکی کو بدترین تشدد کا نشانہ بنایا۔

پولیس کے مطابق یہ واقعہ مزنگ لنک روڈ پر پیش آیا جہاں موٹر سائیکل سوار شخص نے موٹرسائیکل سوار لڑکی کو روک کر تشدد کیا۔ تشدد کے نتیجے میں لڑکی کی ناک کی ہڈی ٹوٹ گئی اور چہرے پر بھی زخم آئے۔

لاہور، مزنگ موٹرسائیکل سوار ملزم نے سکوٹی پر سوار لڑکی کو روکا، نیچے گرایا، تشدد کیا اور فرار ہوگیا۔ پولیس نے مقدمہ درج کرلیا https://t.co/86woJIAHdY

— Muhammad Umair (@MohUmair87) October 22, 2026

اس حوالے سے سی سی ٹی وی فوٹیج بھی سامنے آئی ہے جس میں سفید لباس پہنے شخص کو خاتون کو مارتے دیکھا جاسکتا ہے۔

پولیس کے مطابق ملزم کو گرفتار کرکے مقدمہ درج کرلیا گیا ہے جب کہ ملزم نے لڑکی پرتشدد کرتے ہوئے لیپ ٹاپ بھی توڑدیا۔