پٹرولیم مصنوعا ت میں اضافے کا امکان ، اوگرا نے سمری ارسال کردی

ذرائع کے مطابق  اوگرا کی جانب سے پیٹرولیم مصنوعات کی قیمتوں میں ردوبدل کی سمری پیٹرولیم ڈویژن کو ارسال کردی گئی ہے جس میں پیٹرول کی فی لیٹر قیمت 4 روپے 20 پیسے تک اضافے کی تجویز دی گئی ہے۔ذرائع کا کہنا ہےکہ اوگرا نے ہائی سپیڈ ڈیزل 3 روپے 50 پیسے تک اضافے  کی تجویز دی ہےتاہم پیٹرولیم مصنوعات کی قیمتوں کا حتمی فیصلہ وزارت خزانہ وزیراعظم کی مشاورت سے کرے گی۔ پٹرولیم مصنوعات کی نئی قیمتوں کا اعلان کل کیاجائےگا، پٹرولیم مصنوعات کی نئی قیمتوں کا اطلاق 16 جون سے ہوگا۔

اس سے قبل30 مئی کو حکومت نے ہائی سپیڈ ڈیزل کی قیمت میں 4 روپے 36 پیسے فی لیٹر اضافے کی تجویز مسترد کردی تھی ۔

یاد رہے کہ 17مئی 2021 کو حکومت نے  پیٹرولیم مصنوعات کی قیمتیں برقرار رکھنے کا فیصلہ کیا تھا۔وزیر اعظم نے قیمتوں میں اضافے کی تجویز مسترد کر دی تھی۔