سندھ کابینہ نے سرکاری ملازمین کی تنخواہوں میں 20 فیصد اضافے کی منظوری دیدی : مرتضی وہاب

تفصیلات کے مطابق ترجمان سندھ حکومت بیرسٹر مرتضی وہاب نے سماجی رابطے  کی ویب  سائٹ ٹوئٹر  پر پیغام میں بتایا ہے کہ سندھ کابینہ نے سرکاری ملازمین کی تنخواہوں میں بیس فیصد اضافے کی منظوری دیدی ہے جبکہ کابینہ نے  کم از کم اُجرت 25 ہزار روپے کرنے کی منظوری دی ہے ۔  انہوں نے مزید کہاکہ نئے مالی سال کے بجٹ میں  کوئی نیا ٹیکس نہیں لگایا جائیگا۔

#Sindh Cabinet has approved an increase of 20% in the salary of Govt employees & also set the minimum wage at 25,000 in the province. No new tax is being introduced by #SindhGovt #SindhBudget

— Murtaza Wahab Siddiqui (@murtazawahab1) June 15, 2021

اس سےقبل وزیراعلیٰ سندھ سید مراد علی شاہ کی صدارت میں  کابینہ کا اجلاس ہوا جس میں  صوبائی وزراء، مشیران، چیف سیکریٹری و متعلقہ افسران شریک ہوئے ۔اجلاس میں غور و خوض کے بعد مالی سال 22-2021 کیلئے 1.477 ٹریلین روپے بجٹ کی منظوری  دی گئی۔کابینہ نے نئے مالی سال 22-2021  کے ترقیاتی بجٹ پر بحث کے بعد منظوری دی ہے ، ترجمان وزیراعلی ٰسندھ کے مطابق وزیراعلیٰ سندھ سید مراد علی شاہ نے نئے مالی سال کی ڈمانڈس فار گرانٹس اور سپلیمینٹری گرانٹس پر دستخط کرکے منظوری دی ہے ۔

واضح رہے کہ سندھ حکومت آج مالی سال2021-22 کیلئے14 کھرب روپے کا بجٹ پیش کرے گی ، وزیراعلیٰ مراد علی شاہ بجٹ پیش کریں گے۔