پنجاب میں کورونا ویکسین کی قلت ، ویکسینشن سینٹرزکے باہر شہریوں کا رش

تفصیلات کے مطابق  کورونا ویکسین ختم ہونے سے لاہور کے ایکسپو سینٹر کے باہر شہریوں کا رش ہے جبکہ سکیورٹی گارڈز دروازے سے ہی شہریوں کو واپس بھیج رہے ہیں۔

شہریوں کو بتایا جارہا ہےکہ نادرا کا ڈیٹا اپ ڈیٹ ہونے والا ہے جس کی وجہ سے سسٹم بند ہے لہٰذا 2 روز بعد ایکسپو سینٹرمیں ویکسین لگائی جائے گی۔

ذرائع کا بتانا ہےکہ پنجاب کے دوسرے شہروں میں بھی ویکسین کا 3 روز کا اسٹاک رہ گیا ہے اور محکمہ صحت پنجاب نے مزید ویکسی نیشن کی ڈیمانڈ کردی ہے۔

دوسری جانب ای پی آئی انتظامیہ کے مطابق  ویکسین کی 20 ہزار ڈوزز آج آنے کا امکان ہے۔