قومی اسمبلی اجلاس،حکومتی رکن نے شہباز شریف پر کتاب اچھال دی

تفصیلات کے مطابق  قومی اسمبلی اجلاس میں وقفہ کے دوران ایوان کا ماحول مزید گرم ہوگیا، ایک حکومتی رکن نے شہباز شریف پر کتاب اچھال دی۔کتاب اپوزیشن لیڈر کو لگنے کے بجائے ڈائس پر گری۔

قومی اسمبلی اجلاس میں وقفہ کے بعد کتابوں کی جنگ شروع ہوگئی ،حکومتی اور اپوزیشن ارکان ایک دوسرے پر بجٹ کتابیں پھینک رہے ہیں۔

 قومی اسمبلی اجلاس میں شور شرابہ اراکین کے مابین ہاتھاپائی کے خدشے کے باعث قومی اسمبلی سیکرٹیریٹ نے سینٹ سیکرٹریٹ سے رابطہ کرلیا اور قومی اسمبلی نے ایوان کی  کشیدہ صورتحال سے نمنٹے کے لئے سینیٹ سیکرٹریٹ سے مدد مانگ لی۔

قومی اسمبلی سیکرٹریٹ کی دارخوست پرسینیٹ سیکرٹریٹ نے اضافی سارجنٹ ایٹ آرمز کی خدمات قومی اسمبلی کے سپرد کردی۔کتابیں اچھالنے کے عمل میں سیکیورٹی اسٹاف زخمی ہو گیا۔پاکستان تحریک انصاف  کی رہنما ملیکہ بخاری  چہرے پر  کتاب لگنے سے زخمی ہوگئیں۔