آرمی چیف کا آپریشن رد الفساد کی کامیابی کے بعد استحکام لانے والے آپریشنز پر اظہار اطمینان

پاکستانی فوج کے شعبہ تعلقات عامہ (آئی ایس پی آر) کے مطابق  جی ایچ کیو راولپنڈی میں 78ویں دوروزہ فارمیشن کمانڈرز کانفرنس کا انعقاد  ہوا،  کانفرنس میں کورکمانڈرز ،پرنسپل اسٹاف  اور تمام فارمیشن کمانڈرز  نے شرکت کی۔

آئی ایس پی آر کے مطابق  شرکا کو قومی سلامتی ،خطے کی جیو اسٹریٹجک صورتحال اور چیلنجز پر بریفنگ دی گئی ، کانفرنس کے شرکا نے پیشہ وارانہ امور پر تفصیلی گفتگو کی ، شرکا کو پاک فوج کے لاجسٹک انفراسٹرکچر کی بہتری اور جدید ترین ٹیکنالوجی کے حصول پر بریفنگ دی۔

آرمی چیف  جنرل قمر جاوید باجوہ نے  ملک بھر میں آپریشن رد الفساد کی کامیابی کے بعد استحکام لانے والے آپریشنز پر  اطمینان کا اظہار کیا۔

آئی ایس پی آر کا کہنا ہے کہ  شرکا نے باہمت پاکستانی قوم  خصوصاً قبائلی علاقے کے عوام کو ان کی قربانیوں پر خراج تحسین پیش کیا۔