حکومت کا پٹرولیم مصنوعات کی قیمتوں میں اضافے کا اعلان

تفصیلات کے مطابق  پٹرول کی قیمت میں 2روپے 13پیسے  فی لٹر اضافہ کر دیا گیا۔پٹرول کی نئی قیمت 110روپے 69 پیسے فی لٹر ہوگئی  ۔ہائی سپیڈ   ڈیزل کی قیمت میں  1روپیہ 79پیسےفی لٹر اضافہ ہو گیا۔مٹی کا تیل  1روپیہ89پیسے اور لائٹ ڈیزل 2روپے3پیسے مہنگا ہو گیا۔

نئی قیمتوں کا اطلاق رات 12بجے سے ہوگا۔ وزارت خزانہ نے نوٹیفکیشن جاری کردیا۔

گزشتہ روز  اوگرا کی جانب سے پیٹرولیم مصنوعات کی قیمتوں میں ردوبدل کی سمری پیٹرولیم ڈویژن کو ارسال کردی گئی  تھی، جس میں پیٹرول کی فی لیٹر قیمت 4 روپے 20 پیسے تک اضافے کی تجویز دی گئی تھی۔ذرائع کے مطابق  اوگرا نے ہائی سپیڈ ڈیزل 3 روپے 50 پیسے تک اضافے  کی تجویز دی تھی۔

اس سے قبل30 مئی کو حکومت نے ہائی سپیڈ ڈیزل کی قیمت میں 4 روپے 36 پیسے فی لیٹر اضافے کی تجویز مسترد کردی تھی ۔

یاد رہے کہ 17مئی 2021 کو حکومت نے  پیٹرولیم مصنوعات کی قیمتیں برقرار رکھنے کا فیصلہ کیا تھا۔وزیر اعظم نے قیمتوں میں اضافے کی تجویز مسترد کر دی تھی۔