معروف امریکی اداکارہ ٹریفک حادثے میں ہلاک

بین الاقوامی خبررساں ادارے کی رپورٹ کے مطابق محکمہ پولیس کے ترجمان نے کہا ہے کہ 65 سالہ لیزا بینز چار جون کو سڑک پارکرتے ہوئے موٹرسائیکل کی ٹکر سے شدید زخمی ہوگءیں تھیں  ۔ انہیں حادثے کے فوری بعد مائونٹ سنائی مارننگ سائیڈ ہسپتال میں داخل کروایا گیا جہاں وہ دس روز بعد  انتقال کر گئیں  ۔

لیزا بینز نے ٹام کروز کے ساتھ کاک ٹیل  سمیت متعدد ٹی وی شو اور فلموں کا حصہ بھی  بنی تھیں ۔ لیزا بینز کو دوہزار چودہ میں" گون گرل" سے شہرت ملی تھی ۔

لیزا بینز کی موت پر معروف اداکار اور ڈائریکڑ میک فارلین  نے گہرے دکھ  کا اظہار کیا ہے کہ  ان کا کہناتھاکہ لیزا بینز کی موت فلم انڈسٹری کے لیے بڑا نقصان ہے ۔

ان کے منیجر ڈیوڈ ولیمز نے ٹریفک حادثے کے بارے میں بتایا کہ  لیزا بینز ، ایمسٹرڈیم ایونیو پار کرتے ہوئے اس وقت حادثے کا شکار ہوگئیں تھیں جب وہ اپنے الما میٹر جولیارڈ سکول جارہی تھیں  ۔

بینز کلیو لینڈ اوہایو سے تعلق رکھتی تھیں ، اپنےآخری ایام میں لاس اینجلس میں قیام پزیر تھیں ، ان کی موت پران کے دوست احباب نے گہر دکھ اور غم کا اظہار کیا ہے ،

پولیس ذرائع کا کہناہے کہ اس حادثے کے حوالے سے ابھی تک کسی بھی قسم کی کوئی گرفتاری نہیں کی گئی ہے ۔