اپوزیشن کا اسپیکر قومی اسمبلی کیخلاف تحریک عدم اعتماد لانے کا فیصلہ

ذرائع کے مطابق اپوزیشن نے  اسپیکر کے خلاف تحریک عدم اعتماد لانے کا فیصلہ کیا ہے،اپوزیشن نے اسپیکر کے خلاف تحریک لانے کے لئے کمیٹی تشکیل دے دی ہے۔

پیپلزپارٹی کی جانب سے شازیہ مری، نوید قمر، راجہ پرویز اشرف    جبکہ  ن لیگ کی جانب سے ایاز صادق اور رانا ثناء اللہ کمیٹی میں شامل ہیں ۔اپوزیشن کی کمیٹی میں جے یو آئی کے دو ارکان بھی شامل ہیں ۔

 ذرائع کے مطابق  اسپیکر کے خلاف تحریک لانے کے لئے مشاورت اور وقت کا تعین کرے گی، کمیٹی دیگر اپوزیشن اور نالاں ارکان سے بھی رابطے کرے گی۔

خیال رہے کہ  قومی اسمبلی کے ڈپٹی اسپیکر قاسم سوری کے خلاف تحریک عدم اعتماد پر ووٹنگ جمعہ کو ہوگی۔

گزشتہ دنوں اپوزیشن نے کورم کی نشاندہی نظرانداز کرنے پر ڈپٹی اسپیکرکیخلاف تحریک عدم اعتماد جمع کرائی تھی۔اسمبلی قواعد کے مطابق تحریک عدم اعتماد پرووٹنگ خفیہ رائے شماری سے ہوگی جبکہ 342 کے ایوان میں ڈپٹی اسپیکر کو ہٹانے کیلئے 172 ووٹ درکار ہوں گے۔