امریکی صدر کی روسی ہم منصب کیساتھ جنیوا میں تاریخی ملاقات، دونوں ملکی سربراہان نے ہاتھ ملا ئے

غیر ملکی خبر ایجنسی کا کہنا ہے کہ  دونوں ملکی سربراہان نے ہاتھ ملا ئے۔روسی صدر نے امریکی ہم منصب کیساتھ ہونیوالی اہم ملاقات اچھی رہنے کی خواہش ظاہرکردی ہے۔

روسی صدر ولاد یمیرپیوٹن  کا کہنا ہے کہ  امید کرتاہوں کہ یہ ملاقات نتیجہ خیز رہے۔

سوئٹزرلینڈ کے صدر نے امریکی اور روسی صدور کا خیرمقدم کیا،ملاقات کیلئے روسی صدرولادیمیر پیوٹن بھی پورے وقت پر پہنچے، دونوں ممالک کے صدور کے درمیان یہ ملاقات 4 سے 5 گھنٹے تک جاری رہے گی۔ملاقات میں دونوں ممالک کے باہمی تعلقات،سائبر ہیکنگ اور انتخابات میں روسی مداخلت جیسے معاملات پر بات ہوگی اور  اجلاس کے بعد دونوں صدورممکنہ طور پر الگ الگ پریس کانفرنس کریں گے۔