دبئی میں ٹیکسی ڈرائیور کی ملازمت کیسے حاصل کی جاسکتی ہے ؟ جانیئے

تفصیلات کے مطابق ڈی ٹی سی کی ٹیکسی ڈرائیور جاب فیئر کے ڈائیریکٹر ناصر محمد الحج کا کہناتھاکہ پندرہ جون تک ملازمت کے حصول کے خواہشمند تقریباََ  900 افراد نے درخواستیں جمع کروائی ہیں ۔یہ تمام درخواستیں پانچ دن جاری رہنے والے کیرئیرجاب فئیر میں جمع ہوئی ہیں ۔

تاہم ڈی ٹی سی حکام کا کہناتھا کہ درخواستوں کی تاریخ ختم ہونے کے باوجود ملازمت کے حصول کے خواہشمند امیدوار اپنی درخواستیں ڈی ٹی سی کی ویب سائٹ پر بھجواسکتے ہیں ۔   

اس پانچ روز ہ ”ڈرائیورز مہم “ کے ڈائیریکٹر ناصر محمد الحج کا کہناتھاکہ ہمیں   918 درخواستیں موصول ہوئی ہیں ۔ یہ کیرئیر میلہ ڈی ٹی سی کے ہیڈ آفس پر منعقد کیا گیا تھا۔ اس مہم کا خاص مقصد یہ تھا کہ ملازمت کے خواہشمند افراد کے ساتھ باقاعدہ ڈائیریکٹ ریکرٹمنٹ کا عمل اپنایا جاسکے ، جس میں ہم کامیاب بھی رہے ہیں ۔ ڈرائیوروں کی ملازمت میں ٹیکسی ڈرائیورز، لیموزین ڈرائیورز ، سکول بس ڈرائیورز  اور کمرشل کوچز کی ملازمت کے حصول کے لیے درخواستیں موصول ہوئی ہیں ۔

اس ایونٹ کا مقصد یہ بھی تھا کہ امیدواروں کے ذہنوں میں جنم لینے والے کئی اہم ترین سوالات کے جواب بھی دیئے جاسکیں ، ڈائریکٹر ناصر محمد الحج کا کہناتھاکہ موصول ہونے والی درخواستوں کی سکروٹنی کے بعد کامیاب امیدواروں کو ملازمت کے لیے بلواجائیگا۔

ناصر الحج کا مزید کہناتھاکہ ایونٹ کے ذریعے عالمی وبا کے دوران بے روزگار ہونے والے اور مشکل ترین حالات سے دوچار معاشی مسائل سے نبردآزما افراد کو موقع فراہم کیے جارہے ہیں تاکہ ان کے حالات کو بہتر کیا جاسکیں ۔

ووسرا مقصد یہ تھا کہ دبئی میں مشکلات کاشکار ٹیکسی سروس کوبھی مکمل طور پر بحال کیا جاسکے ، جاب فئیر مہم اسی سلسلے کی پہلی کڑی تھی ۔ ڈی ٹی سی کا اصل مقصد بھی یہ ہے کہ ایسی اپروچ اپنائی جائے کہ ہیومین ریسورس کو بہتر سے بہتر مواقع فراہم کیے جاسکیں ۔

ناصرالحج کا کہناتھاکہ ہم نے ملازمت حاصل کرنے والے ڈرائیوروں کے لیے کئی اہم ترین اقدامات کیے ہیں ، جن میں کئی سہولیات بھی فراہم کی جارہی ہیں ۔ تاکہ ان کے معاشی مشکلات کا حل ہوسکے۔