پاکستان کا 78 واں یوم آزادی شایان شان طریقے سے منانے کیلئے تیاریاں عروج پر

ملک بھر میں پاکستان کا 78 واں یوم آزادی شایان شان طریقے سے منانے کیلئے تیاریاں زور و شور سے جاری ہیں۔

عمارتوں کوقومی پرچموں ، جھنڈیوں اور روشنیوں سے سجایا جارہا ہے۔

لوگوں نے اپنی گاڑیوں اور گھروں کی چھتوں پر قومی پرچم آویزاں کر رکھے ہیں۔

اس کے علاو ہ ملک کے کونے کونے میں مصروف سڑکوں کے کناروں اور دکانوں پر قومی پرچم ، جھنڈیاں ، ٹوپیاں ، بچوں کے سبز اور سفید رنگوں کے کپڑوں کے سٹال لگائے گئے ہیں۔

واضح رہے کہ  14 اگست کو پاکستان کا 78 واں جشن آزادی شایان شان طریقے سے منایا جائے گا ، اس حوالے سے ملک بھر میں مختلف تقاریب کا اہتمام بھی کیا گیا ہے۔