شہباز شریف نے ارشد ندیم کے جیت پر بھی شوبازی دکھائی، بیرسٹر سیف

پی ٹی آئی رہنما اور مشیر اطلاعات خیبر پختونخوا بیرسٹر سیف نے کہا کہ شہباز شریف نے ارشد ندیم کے جیت پر بھی شوبازی دکھائی۔

سوشل میڈیا پلیٹ فارم ایکس پر اپنے ٹویٹ میں بیرسٹر سیف نے کہا کہ ارشد ندیم نے گولڈ میڈل محنت سے جیت کرملک کا نام روشن کیا لیکن کریڈٹ لینےکے لیے اداکار پہنچ جائیں گے۔ مینڈیٹ چور وفاقی اور صوبائی سرکار ارشد ندیم کے لئے بین الاقوامی معیار کی جیولن بھی خرید نہ سکے۔

شوباز شریف نے ارشد ندیم کے جیت پر بھی شوبازی دکھائی، جشن ایسے منا رہے تھے کہ جیسے ارشد ندیم کا کوچ ہو اور جاتی امراء میں انکی تربیت کی ہو، شو باز شریف اور ٹک ٹاکر باجی ٹک ٹاک بنانے کے لیے ارشد ندیم کے پاس پہنچ جائیگے۔

ارشد ندیم نے گولڈ میڈل محنت سے جیت کرملک کا نام روشن کیا… pic.twitter.com/7E6tw1MFu0

— Barrister Dr Muhammad Ali Saif (@BaristerDrSaif) August 10, 2024

پی ٹی آئی رہنما کا کہنا تھا کہ شہباز شریف جشن ایسے منا رہے تھے کہ جیسے ارشد ندیم کا کوچ ہو اور جاتی امراء میں انکی تربیت کی ہو، شو باز شریف اور ٹک ٹاکر باجی ٹک ٹاک بنانے کے لیے ارشد ندیم کے پاس پہنچ جائیگے،  ارشد ندیم نے خالص اپنے محنت کے بل بوتے پر کامیابی کے جھنڈے گھاڑے اور ملک کا نام روشن کیا۔

مشیر اطلاعات نے مزید کہا کہ وفاق اور پنجاب حکومت نے اولمپکس تیاری کے لیے ارشد ندیم کو ایک روپیہ نہیں دیا، ارشد ندیم جیسے ہزاروں باصلاحیت نوجوان میڈیٹ چوروں کی وجہ سے ضائع ہورہے ہیں، ہمارے نوجوان ہر شعبے میں اپنا لوہا منواسکتے ہیں بشرطیکہ کہ حکمران مخلص ہو، کھیلوں کے ذریعے ملک کا بہترین امیج بن سکتا ہے۔