پی ایس ایل 6 میں آج چار ٹیمیں مد مقابل ہونگی

تفصیلات کے مطابق پاکستان سپر لیگ  کا پہلامیچ پشاور زلمی اوراسلام آباد یونا ئیٹڈکے درمیان پاکستانی وقت کے مطابق شام چھ بجے شیخ زید انٹر نیشنل سٹیدیم میں کھیلا جائے  گا۔   پشاور زلمی کی قیادت   فاسٹ بولر وہاب ریاض  کریں گے جبکہ اسلام آباد یو نائیٹڈ  شاداب خان کی کپتانی  میں میدان میں اترے گی ۔ پوائنٹ  ٹیبل پر اسلام  آباد یو نائیٹڈ پہلے نمبر پر ہے  جبکہ پشاور زلمی دوسری پوزیشن پر براجمان ہے ۔

دوسرے میچ میں لاہور قلندر زاور کراچی کنگز کا آمنا سامنا ہوگا ، کراچی کنگز عماد وسیم کی قیادت میں جبکہ  لاہور قلندرز سہیل اختر کی کپتانی میں میدان میں اترے گی ۔ میچ پاکستانی  وقت کے  مطابق رات گیارہ بجے  کھیلا جائے  گا،   پوائنٹس ٹیبل پر قلندرزتیسرے نمبر پر  ہیں جبکہ کنگز پانچویں پوزیشن پر موجود ہیں ۔

خیال رہے کہ گزشتہ میچ میں اسلام آباد نے فتح اپنے نام کی  جبکہ پشاور زلمی کو شکست کا سامنا کر نا پڑا تھا ۔