اسلام آباد ہائی کورٹ نے صنم جاوید کو ایک ہفتے کی حفاظتی ضمانت دیدی

لاہور : اسلام آباد ہائی کورٹ نے پاکستان تحریک انصاف (پی ٹی آئی) کی رہنما صنم جاوید کو ایک ہفتے کی حفاظتی ضمانت دے دی ہے۔ عدالت نے 9 مئی کے واقعات سے متعلق مقدمے میں پولیس کو صنم جاوید کی گرفتاری سےروک دیا۔

تفصیلات کے مطابق اسلام آباد ہائیکورٹ کے جسٹس میاں گل حسن اورنگزیب نے صنم جاوید کی درخواست پر سماعت کرتے ہوئے یہ فیصلہ سنایا۔ عدالت نے صنم جاوید کو ایک ہفتے کے اندر متعلقہ عدالت میں پیش ہونے کا حکم بھی دیا ہے۔

واضح رہے کہ اس سے قبل انسداد دہشت گردی عدالت لاہور نے 9 مئی 2023 کے واقعات سے متعلق مقدمے میں صنم جاوید اور روبینہ جمیل کے خلاف گرفتاری کے وارنٹ جاری کیے تھے۔