مالی سال22-2021: بلوچستان کا بجٹ آج پیش کیاجائے گا

تفصیلات  کے مطابق بلوچستان  اسمبلی میں بجٹ صوبائی وزیرخزانہ میر ظہور بلیدی پیش کرینگے۔ ذرائع محکمہ خزانہ کے مطابق آئندہ مالی سال کا بجٹ ٹیکس فری ہوگا۔   بلوچستان کے مالی سال 2021-22  بجٹ کا  کل حجم500ارب سے زائد ہے، صوبائی بجٹ میں ترقیاتی کاموں کیلئے140ارب روپے رکھے جانے کا امکان ہے   جبکہ غیر ترقیاتی  مد میں 370ارب روپے رکھے جانے کی تجویز دی گئی ہے ۔

 ذرائع محکمہ خزانہ کے مطابقصوبائی بجٹ میں محکمہ تعلیم کے لیے90ارب روپے مختص کرنے کی تجویز ہے جبکہ محکمہ صحت کے لیے40ارب روپے رکھے جانے کا امکان ہے۔صوبائی بجٹ میں ملازمین کی تنخواہوں میں 10سے15فیصد اضافے کا امکان  ہے ۔ صوبے کے امن وامان کے لیے بجٹ میں 60ارب روپے مختص کیے گیے ہیں ۔ بجٹ میں صوبے  کے لیے 5ہزار نئے آسامیاں رکھنے کی تجویزدی گئی ہے ۔

ذرائع محکمہ خزانہ  کے مطابق آئندہ مالی سال کےصوبائی بجٹ کاخسارہ کم بیش100ارب روپے تک ہوگا۔