پی ایس ایل 6 میں سب سے زیادہ رنز بنانے والے بلے باز کون ؟

تفصیلات کے مطابق  پا کستان سپر لیگ  6 میں کئی نامور کھلاڑی فارم میں ہیں تاہم ان سب میں  اس وقت سب سے ٹاپ سکورر کراچی کنگزکے بلے باز بابر اعظم ہیں۔

بابر اعظم پی ایس ایل 6 کی  9  اننگزمیں 478 رنز کے ساتھ پہلی پوزیشن پر براجمان ہیں ۔ان کا  سٹرائیک  ریٹ 137.35  ہے جبکہ دوسرے نمبر پر ملتان سلطانز کے کپتان وکٹ کیپر بلے باز محمدرضوان ہیں۔محمد رضوان 8، میچ کھیل کر 136.62کے سٹرائیک  ریٹ کے ساتھ429 رنز  بنا چکے ہیں ۔ بابر اعظم اور محمد رضوان کے بعد  تیسرے نمبر پر لاہور قلندر زکے افتتاحی بلے باز  فخر زمان ہیں۔

فخر زمان    اپنے 9 میچز میں 123.42 کے سٹرائیک ریٹ کے ساتھ 274 رنز بنا کر تیسرے نمبر پر براجمان ہیں ۔ چھو تھے نمبرپر کوئٹہ  گلیڈی ایٹر زکے کپتان   اور وکٹ کیپر بلےباز سرفراز احمد ہیں ،جو135کے سٹرائیک  ریٹ کے ساتھ 270 رنز بنا چکے ہیں ۔سرفراز احمد بھی 9 میچ کھیل  چکے ہیں۔ حیران کن طور پر  پاکستان سپر لیگ 6 میں غ کوئی  بھی   غیر ملکی کھلاڑی ٹاپ  پوزیشن پر نہیں آسکا ،  ٹاپ پوزیشن پر  فی الوقت  صرف پاکستانی بلے باز ہی براجمان ہیں ۔