پنجاب پولیس کی بڑی کارروائی ،2 منشیات فروش گرفتار

تفصیلات کے مطابق ساہیوال میں پولیس نے کارروائی کرتے ہوئے علاقے میں منشیات فروشی میں ملوث2 ملزمان کو گرفتار کرلیا ہے ۔ملزمان کے قبضے سے بھاری مقدار میں منشیات برآمد ہوئی ۔

ساہیوال غلہ منڈی پولیس حکام کا کہناہے کہ انہوں نے منشیات فروش عائشہ نامی خاتون کو گرفتار کیا جس کے قبضے سے 3 کلو چرس بر آمد ہوئی  ہے جبکہ پنوں بلوچ نامی شخص کے قبضے سے بھی 2680 گرام چرس برآمد ہوئی ۔ پولیس نے دونوں ملزمان کو گرفتار کرکے مقدمات درج کر لیے ہیں اور مزید تحقیقات کا آغاز کردیا ہے ۔