گوگل نے اینڈرائیڈ صارفین کے لیے زلزلہ الرٹ سمیت کئی فیچرز متعارف کروادیئے

 تفصیلات کے مطابق گوگل نے اس فیچر کو فی الحال نیوزی لینڈ میں متعارف کروایا ہے جہاں اس کا تجربہ کامیاب رہا ہے ۔

کمپنی کا کہناہے کہ اب اس کا دائرہ کار ترکی ،ازبکستان ، قازقستان ، فلپائن سمیت کئی ممالک تک وسیع کردیا گیا ہے ۔ گوگل اس فیچر کو آئندہ چند برسوں میں دنیا بھر کے صارفین کے لیے متعارف کروا دے گا ۔ اس کے علاوہ گوگل کی جانب سے صارفین کے لیے دیگر نئے فیچرز بھی متعارف کروائے گئے ہیں ۔

جن میں میسجز ایپ سٹار فیچر بھی شامل ہے ۔ مسیجز ایپ سٹار فیچر کے تحت صارف کسی بھی پیغام کو منتخب کرے گا تو اسے تلاش کرنے میں مشکل نہیں ہوگی ۔ گوگل نے صارفین کے لیے ایموجی کچن فیچر بھی متعارف کرایا ہے جس میں صارف پیغام میں جو لفظ لکھے گا اس کے سامنے باورچی خانے سے متعلق وہی ایموجی سکرین پر آئیگا۔

کچن ایموجی فیچر کو فی الحال بِیٹا ورژن استعمال کرنے والوں کے لیے متعارف کروایا گیا ہے ۔ جلد اسے " کی- بورڈ " ایپ کے حصے کے طور پر انگریزی ، سپینیش اور پرتگالی زبانوں میں شامل کرلیا جائیگا۔ جس کے بعد دنیا بھر کے صارفین اس سہولت سے استفادہ کرسکیں گے ۔ ویب سائٹ کے مطابق گوگل کی جانب سے متعارف کرایا جانے والا چوتھا فیچر اسٹنٹ ہے جو اینڈ رائیڈ صارفین کو ایپس تک باآسانی رسائی فراہم کرنے کے کام آئیگا۔

کمپنی نے گوگل ایکسس نامی فیچربھی فی الحال بِیٹا ورژن صارفین کے لیے متعارف کرایا ہے اس فیچر کی مدد سے گوگل میپ کی نیوگیشن اور فون تک آواز کے ذریعے رسائی ممکن ہوگی ۔ گوگل کی جانب سے گاڑیاں رکھنے والے صارفین کے لیے آٹو فیچر بھی متعارف کرایا گیا ہے جو صرف نئے آپریٹنگ سٹم والے فونز میں دستیاب ہوگا جس کی مدد سے صارف گاڑیوں میں نصب اینڈرائیڈ پروگرام اور بھی آسانی سے استعمال کرسکے گا۔