فیصل آباد: روڈ پر کھڑی کار سے 2نوجوان لڑکیوں کی لاشیں برآمد

فیصل آباد : فیصل آباد کے علاقے جڑانوالہ ستیانہ روڈ پر کھڑی ایک کار سے دو نوجوان لڑکیوں کی لاشیں برآمد ہوئی ہیں۔ پولیس کے مطابق دونوں لڑکیوں کی عمر تقریباً 18 سے 19 سال ہے اور انہیں فائرنگ کرکے قتل کیا گیا ہے۔ 

واقعے کی اطلاع ملتے ہی پولیس موقع پر پہنچ گئی اور لاشوں کو قبضے میں لے کر پوسٹ مارٹم کے لیے بھیج دیا۔

سٹی پولیس افسر فیصل آباد نے اس واقعے کو انتہائی سنجیدگی سے لیتے ہوئے ایس پی جڑانوالہ سے تفصیلی رپورٹ طلب کی ہے اور ملزمان کی گرفتاری کے لیے ایک خصوصی ٹیم تشکیل دے دی ہے۔ سی پی او فیصل آباد نے متعلقہ حکام کو ہدایت کی ہے کہ اس واقعے کی ہر پہلو سے گہرائی سے تحقیقات کی جائیں اور ملزمان کو جلد از جلد گرفتار کیا جائے۔

پولیس کا کہنا ہے کہ اس واقعے میں ملوث افراد کو جلد از جلد گرفتار کرکے قانون کے مطابق کارروائی کرے گی۔