مزید 25 کیس اور بھی بنا لیں ، عمران خان کے ساتھ ہوں اور رہوں گا، چوہدری پرویزالہیٰ

مرکزی صدر پاکستان تحریک انصاف چودھری پرویزالٰہی کا نیب کی جانب سے جاری کردہ خبر پر سخت ردعمل سامنے آگیا۔

چودھری پرویزالٰہی نے بیان میں کہا کہ آج نیب نے من گھڑت اور جھوٹی خبر چلائی ہے، سیکڑوں سرکاری ملازمین کو اغوا کر کے مار پیٹ کر کے پلی بارگین کی ہے۔

میرے خلاف 25 جعلی کیس بنے، یہ مزید 25 کیس اور بھی بنا لیں میں عمران خان کے ساتھ ہوں اور رہوں گا، انشا اللہ، چوہدری پرویز الہیٰ pic.twitter.com/M4XObMKT1x

— PTI (@PTIofficial) October 9, 2024

چودھری پرویزالٰہی کا کہنا تھا کہ انہوں نے جو پیسے دیے ہیں ان کو میرے ساتھ خوامخواہ منسلک کیا جا رہا ہے، یہ سارا جھوٹ کا پلندا ہے، نہ تو میں نے کرپشن کی ہے اور نہ ہی میں نے کوئی پلی بارگین کی ہے۔

چودھری پرویزالٰہی نے مزید کہا کہ میرے خلاف 25 جعلی کیس بنے، یہ مزید 25 کیس اور بھی بنا لیں میں عمران خان کے ساتھ ہوں اور رہوں گا انشاء اللہ۔