احد رضا میر اپنی والدہ سے زیادہ سکن پراڈکٹس استعمال کرتے ہیں

تفصیلات کے مطابق اداکار احد رضا میر کی والدہ کہتی ہیں کہ وہ اپنے بیٹے سے پیسے ادھار لینے کے ساتھ بعض دفعہ ان سے میک اپ کا سامان بھی ادھار لے لیتی ہیں۔ ان کا ساتھ ہی ساتھ یہ بھی کہنا تھا کہ مجھے اپنے بیٹے سے سکن پراڈکٹس لیتے ہوئے شرم آتی ہے ۔

سوشل میڈیا پر احد رضا میر کا والدہ ثمرہ رضامیر  کے ہمراہ ایک ویڈیو کلپ بھی وائرل ہوا ہے ، جس میں اداکار احد رضا میر  کی والدہ مزاحیہ انداز میں کہتی ہیں کہ میرا بیٹا بہت صفائی پسند ہے ۔

اتنا صفائی پسند کہ جب آپ اس کے کمرے میں داخل ہوں تو ایسے معلوم ہوتا ہے کہ جیسے اس کمرے میں دھماکہ ہوا ہے ، چیزیں ایسے الٹ پلٹ ہوئی ہوتی ہیں کہ دیکھنے والا حیران ہوجاتا ہے۔