فتنہ الخوارج کی پاک افغان سرحد  سے دراندازی کی کوشش ناکام، 4خارجی ہلاک

سیکیورٹی فورسز نے پاک افغان سرحد پر فتنہ الخوارج کی دراندازی کی کوشش کو ناکام بنا دیا،سیکیورٹی فورسز کی کارروائی میں 4 دہشت گرد مارے گئے۔
پاک فوج کےشعبہ تعلقات عامہ(آئی ایس پی آر) کے مطابق  19 اور 20 دسمبرکی رات سکیورٹی فورسزنے پاک افغان بارڈرپرخوارج کے گروہ کی نقل وحرکت کا پتہ چلایا، ضلع خیبرکےعلاقے راجگال میں دراندازی کی کوشش کوسیکیورٹی فورسز نے ناکام بنایا۔
ترجمان آئی ایس پی آر کے مطابق  دہشت گردوں سے فائرنگ کے تبادلے میں دھرتی کے بہادرسپوت سپاہی عامر سہیل آفریدی نے جام شہادت نوش کیا، 22 سالہ سپاہی عامر سہیل آفریدی شہید کا تعلق ضلع خیبرسے تھا۔
ترجمان کے مطابق سپاہی عامرسہیل آفریدی نے دہشت گردوں کے خلاف بے جگری سے لڑتے ہوئے جام شہادت نوش کیا، پاکستان افغان عبوری حکومت سے مسلسل موثر بارڈر مینجمنٹ کا تقاضہ کرتا چلا آیا ہے۔