چین سے کورونا ویکسین کی بھاری کھیپ پاکستان پہنچ گئی

تفصیلات کے مطابق قومی ائرلائن پی آئی اے کا ایک خصوصی طیارہ چین سے کورونا ویکسین کی 30 لاکھ خوراکیں لیکر اسلام آباد پہنچ گیا ہے ۔ ذرائع کے مطابق سائنو ویک کی خوراکیں پاکستان نے چین سے خریدی ہیں۔ این ڈی ایم اے،  این سی او سی کے تحت بین الاقوامی مارکیٹ سے ویکسین خرید رہی ہے۔ این سی او سی سے جاری بیان کے مطابق کوویڈ - 19 خوراکوں  کی آمد کے بعد اب پاکستان کے پاس کافی ویکسین موجود ہوں گی۔

اس سے قبل  پاکستان نے چین سے کورونا کی20لاکھ ویکسین  خوراکیں خریدی تھیں ۔ پاکستان میں گزشتہ ہفتے ویکسین کی قلت کا سامنا کرنا پڑا تھا اور عوام کی جانب سے احتجاج بھی کیا گیا ۔

خیال رہے ملک میں40 سال سے زائد عمر افراد کی ویکسینیشن کا آغاز3 مئی سےہوا تھا ۔

 واضح رہے کہ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے مزید23فراد چل بسے ۔ ملک میں  اموات کی مجموعی تعداد22 ہزار254ہوگئی ہے،جبکہ  متاثرہ افراد کی مجموعی تعداد 9لاکھ56ہزار392ہوگئی ہے ۔