سائنسدانوں نے جسم میں جذب ہونے والا پیس میکر تیار کرلیا

رپورٹ کے مطابق یہ ڈیوائس نارتھ ویسٹرن اور جارج واشنگٹن یونیورسٹی کے محققین نے تیار کی ہے یہ پہلا عارضی پیس میکر ہے جو عارضہ قلب کے آپریشن کے بعد مریضوں کی صحت مستحکم ہونے کے بعد جسم میں جذب ہوتا ہے ۔

یہ پیس میکر ایسے مریضوں کے لیے بڑی سہولت ہوگی جنہیں عارضی پیس میکر کو ہٹوانے کے لیے سرجری کی ضرورت ہوتی ہے۔

ماہرین کے مطابق اس جذب ہونے والے پیس میکر سے نا صرف انفیکشن کا خطرہ کم ہوگا بلکہ ٹشو کو زخم کم لگنے کا خطرہ بھی کم ہوجائے گا ۔

اس پیس میکر کا وزن آدھا گرام ہے اور یہ ہلکا ،لچکدار  ہے یہ پیس میکر ان مریضوں کے لیے بہت مفید ہے جن کو تھوڑے عرصے بعد پیس میکر کی ضرورت ہوتی ہے،عموما دل کی سرجری یا کسی اور آپریشن کے بعد کچھ مریضوں کو پیس میکر کی ضرورت ہوتی ہے ۔