بیرون ممالک جانے والے افراد کیلئے خوشخبری

تفصیلات کے مطابق لاہور میں فائزر ویکسین تاحال میو اسپتال اور پی کے ایل آئی میں لگائی جا رہی ہے  جبکہ ایکسپو سنٹر میں میں تاحال فائزر اور ایسٹرازینیکاویکسین لگانی شروع نہیں کی گئی ہے ۔ترجمان کے مطابق  ورک پرمٹ رکھنے افراد کو صرف ویکسین لگ رہی ہے  ان میں بزنس ویزا اور بیرون ممالک جانے والے سٹوڈنٹس کو بھی تاحال ویکسین لگانی شروع نہیں کی گئی ہے ۔  

پروفیسر اسد اسلم کاکہنا ہے کہ ورک پرمٹ رکھنے والے افراد کی خواتین  کو بھی تاحال ویکسین نہیں لگائی جا رہی ہے،  فائزر ویکسین صرف ورک پرمٹ رکھنے والےافراد کو لگائی جا رہی ہے۔ میواسپتال میں اب تک 50 سے زائد ورک پرمٹ والے افراد کو ویکسین لگائی جا چکی ہے۔

ترجمان پی کے ایل آئی کے مطابق پی کے ایل آئی میں اب تک 20 سے زائد ورک پرمٹ والے افراد کو ویکسین لگائی جا چکی ہے۔

خیال  رہے کہ  28جون کو این سی او سی نے فائزرویکسین کے حوالے نئی گائیڈ لائنزجاری کی ہے ۔این سی اوسی کاکہنا ہے کہ بیرون ممالک جانے  کیلئے ویکسین ضروری ہے  لہذا وہ افراد فائزز لگوا سکتے ہیں  ۔ این سی او سی نے بتایا ہے کہ ان ممالک جانے والوں کو فائزر ویکسین لگائی جائیگی جہاں چینی ویکسین تسلیم نہیں کی جارہی ہے۔ این سی او سی کے مطابق سعودی عرب ورک ویزہ پر جانے والے فائز ویکسین لگوا سکتے ہیں ، ایسے افراد جن کے لیے  26 جولائی سےپہلے  ورک پر بیرون ممالک جانا ہے ،وہ تمام افراد  فائزر ویکسین لگوا سکتے ہیں۔

اس سے قبل نیشنل کمانڈ اینڈ آپریشن سنٹر (این سی او سی) نے باضابطہ طور پر پاکستان میں فائزر ویکسین لگانے سے متعلق گائیڈ لائنز جاری کی تھیں ، این سی او سی کی جانب سے جاری کردہ  ہدایات کے مطابق فائزر ویکسین 18 سال اور زائد عمر کے افراد کو لگائی جاسکتی ہے جبکہ حاملہ خواتین اور بچوں کو دودھ پلانے والی ماؤں کو بھی ویکسین لگانے کی اجازت دی گئی ہے۔  ویکسین سے متعلق ہدایات میں کہا گیا ہے کہ بخار میں مبتلا افراد، کورونا کے مریضوں اور شدید الرجی کا شکار افراد کو فائزر ویکسین نہ لگائی جائے۔

فائزر پاکستان میں منظور ہونے والی چھٹی ویکسین ہے۔ اس سے قبل ڈرگ ریگولیٹری اتھارٹی نے چین کی تیار کردہ سائینو فارم، سائینو ویک، کین سائینو بائیو، جبکہ ایسٹرازینیکا اور روس کی سپوتنک فائیو کے ایمرجنسی استعمال کی اجازت دی تھی۔

مزید پڑھیں:پلوامہ کے بعد ڈرون کا ڈرامہ، بھارت میں بھی سوال اٹھنے لگے