سری لنکن آلراؤنڈر چریتھ اسلنکا پی ایس ایل 10 کے لیے تیار

سری لنکن آلراؤنڈر چریتھ اسلنکا نے بھی پاکستان سپر لیگ (پی ایس ایل) کے دسویں ایڈیشن میں شرکت کے لیے رضا مندی ظاہر کر دی۔

جمعرات کے روز پاکستان سپر لیگ ( پی ایس ایل ) کے آفیشل ایکس ہینڈل سے اعلان کیا گیا کہ سری لنکن آلراؤنڈر چریتھ اسلنکا نے 10 ویں ایڈیشن کے پلیئر ڈرافٹ کے لیے باضابطہ طور پر سائن اپ کر لیا ہے۔

پاکستان سپر لیگ ایڈیشن 10 کی ڈرافٹنگ کی تقریب 11 جنوری کو ہوگی جبکہ  چریتھ اسلنکا پہلی بار پی ایس ایل میں ایکشن میں نظر آئیں گے، حالانکہ وہ اس سے قبل مختلف لیگز میں کھیل چکے ہیں۔

اسی دن نیوزی لینڈ کے دو کھلاڑی اسٹار بیٹر مارک چیپمین اور آل راؤنڈر مائیکل بریسویل نے بھی پی ایس ایل کھیلنے کے لیے اپنی آمادگی ظاہر کی ہے۔