بانی پی ٹی آئی کے خلاف قانونی کارروائی کا فیصلہ پاکستانی عدالتوں کو کرنا ہے،امریکا

ترجمان امریکی محکمہ خارجہ نے کہا ہےکہ بانی پی ٹی آئی کے خلاف قانونی کارروائی کا فیصلہ پاکستانی عدالتوں کو کرنا ہے، ان کے کیسزپاکستانی آئین اور قوانین کے مطابق ہوں گے۔

ترجمان امریکی محکمہ خارجہ کا کہنا ہےکہ  ہم کانگریس کے خط وکتابت پر تبصرہ نہیں کرتے، بانی تحریک انصاف کےخلاف قانونی کارروائی کافیصلہ پاکستانی عدالتوں کوکرنا ہے، بانی پی ٹی آئی کےکیسز پاکستانی آئین اور قوانین کے مطابق ہوں گے۔

ترجمان اسٹیٹ ڈیپارٹمنٹ کے مطابق پاکستان میں جمہوری اصولوں، آئینی وانسانی حقوق کی حکمرانی کا مطالبہ کرتے رہتے ہیں، انسانی حقوق امریکا اورپاکستان کے تعلقات کا اہم حصہ ہیں۔ انسانی حقوق سمیت دیگر نکات پر باقاعدگی سے پاکستانی حکام  سے رابطے میں ہیں، دنیا بھر کے ممالک کی طرح پاکستان سے بھی رابطے میں ہیں۔