پی ایس ایکس میں کاروبار کے آغاز پر نمایاں تیزی، ایک لاکھ 17 ہزار پوائنٹس کی حد بحال

پاکستان اسٹاک مارکیٹ میں کاروبار کے آغاز سے ہی نمایاں تیزی، انڈیکس میں ایک لاکھ 17 ہزار پوائنٹس کی حد بحال ہوگئی۔

پاکستان اسٹاک ایکسچنج میں بدھ کو کاروبار کے آغاز سے ہی نمایاں تیزی کا رجحان ہے، کے ایس ای 100 انڈیکس میں 1500 سے زائد پوائنٹس کے اضافے کے باعث ایک لاکھ 17 ہزار پوائنٹس کی حد بحال ہوگئی۔

رپورٹ کے مطابق پاکستان اسٹاک مارکیٹ کے ہنڈریڈ انڈیکس میں 1596 پوائنٹس کا اضافہ ریکارڈ کیا گیا، جس کے بعد انڈیکس ایک لاکھ 17 ہزار 649 پوائنٹس تک پہنچ گیا۔

گزشتہ روز (منگل کو) کے ایس ای 100 انڈیکس ایک لاکھ 16 ہزار 52 پوائنٹس پر بند ہوا تھا۔