وزیراعلیٰ پنجاب اور صدر یو اے ای کے خلاف سوشل میڈیا مہم چلانے پر ایک ملزم گرفتار

لاہور:وفاقی تحقیقاتی ادارے(ایف آئی اے )کے سائبر کرائم ونگ نے کارروائی کرتے ہوئے وزیراعلیٰ پنجاب اور صدر یو اے ای کے خلاف سوشل میڈیا مہم چلانے کے معاملے پر ایک ملزم کو گرفتار کرلیا۔
ترجمان ایف آئی اے کے مطابق ایف آئی اےکے سائبر کرائم نے سوشل میڈیا پر وزیر اعلیٰ پنجاب کے خلاف مہم چلانے پر ایک ملزم کو حراست میں لے لیا ہے۔
ترجمان ایف آئی اے نے بتایا کہ گرفتار ملزم کی شناخت بلال ملک کے نام سے ہوئی ہے، جبکہ ملزم کو لاہور سے گرفتار کیا گیا۔
ترجمان ایف آئی اے کا مزید کہنا تھا کہ ایف آئی اے سائبر کرائم سیل میں سوشل میڈیا مہم کے خلاف انکوائری جاری ہے، مہم کے خلاف انکوائری 7جنوری کو درج کی گئی۔