پشاور: صوبائی حکومت کی جانب سےشدید سردی اور برفباری والے علاقوں میں خیموں کی فراہمی جاری

پشاور: صوبائی حکومت کی جانب سےشدید سردی اور برفباری والے اضلاع میںونٹرائزڈخیموں کی فراہمی کا سلسلہ جاری ہے۔
صوبہ خیبر پختونخوا پی ڈی ایم اے کے مطابق 14 اضلاع کو 4275 وینٹرائزڈ خیمے فراہم کئے جا رہے ہیں۔
ان اضلاع میں کرم 500، سوات 300، دیر اپر 150، ایبٹ آباد، باجوڑ اور مہمند کو 100، 100، شانگلہ 75 اور مانسہرہ کو 50 وینٹرائزڈ خیمے فراہم کئے جاچکے ہیں۔
اسی طرح چترال اپر، سوات اور دیر اپر کے لئے 600،600، کوہستان اپر، 100،مانسہرہ  50، مہمند 200، شمالی وزیرستان 500،شانگلہ مزید 125، جنوبی وزیرستان 100، کرم مزید 800 خیمے تورغر کے لئے 500 خیموں کی فراہمی کا عمل جاری ہے۔
پی ڈی ایم اے کا مزید کہنا تھا کہ اضلاع کی طلب اور گنجائش کے مطابق سامان کی فراہمی جاری ہے۔
حکام کا مزید کہنا تھا کہ  تمام شدید سرد اضلاع کی انتظامیہ کو متاثرین کی فوری امداد کی ہدایت دی گئی ہے۔