شدید دھند کے باعث موٹر ویز مختلف مقامات سے ٹریفک کیلئے بند

لاہور:شدید دھند کےباعث موٹرویز کو مختلف مقامات سے ٹریفک کے لیے بند کر دیا گیا ہے۔
اس حوالے سے ترجمان موٹر وے پولیس سید عمران احمد کا کہنا ہے کہ موٹر وے ایم 2 لاہور سے کوٹ مومن ، موٹر وے ایم 3 لاہور سے رجانہ اور لاہور سے جڑانوالہ تک دھند کی وجہ سے بند رہے گی۔
ترجمان نے مزید کہا کہ موٹرویز کو عوام کی حفاظت اور محفوظ سفر یقینی بنانے کے لیے بند کیا جارہاہے،شدید دھند میں لین کی خلاف ورزی حادثات کا سبب بن سکتی ہے، روڈ یوزرز دھند میں لین ڈسپلن کو یقینی بنائیں، شہری زیادہ سے زیادہ دن کے اوقات پر سفر کرنے کو ترجیح دیں۔
ترجمان کی جانب سے مزید کہا گیا کہ صبح 10 سے شام 6 بجے تک دھند کے موسم میں بہترین سفری اوقات ہیں، ڈرائیور حضرات آگے اور پیچھےدھند والی لائٹس کا استعمال کریں، عوام غیر ضروری سفر سے گریز کریں،انہوںنے ڈرائیورز سے اپیل کرتے ہوئے کہا کہ تیز رفتاری سے پرہیز کر یں اور اگلی گاڑی سے مناسب فاصلہ رکھیں۔
ترجمان کا مزید کہناتھا کہ کسی بھی قسم کی معلومات یا رہنمائی کے لیےموٹروے پولیس کی ہیلپ لائن 130 پر رابطہ کریں۔