پاکستان تحریک انصاف نے 26 ویں آئینی ترمیم سپریم کورٹ میں چیلنج کردی

اسلام آباد:پاکستان تحریک انصاف (پی ٹی آئی ) نے 26 ویں آئینی ترمیم کو سپریم کورٹ آف پاکستان میں چیلنج کر دیا۔
تحریک انصاف نے 26 ویںآئینی ترمیم کے خلاف درخواست دائر کردہ درخواست میںسپریم کورٹ سے ترمیم کو کالعدم قرار دینے کی استدعا کی گئی ہے۔
26 ویں آئینی ترمیم کو پی ٹی آئی کے وکیل سمیر کھوسہ کی جانب سے دائر کیا گیا۔
پی ٹی آئی نے درخواست میں مؤقف اپنایاکہ پارلیمنٹ آئین کے بنیادی خدوخال کو تبدیل نہیں کرسکتی، عدلیہ کی آزادی آئین کا بنیادی جزو ہے اور عدلیہ کی آزادی کے خلاف کوئی ترمیم نہیں کی جا سکتی، اس لیے آئینی ترمیم اختیارات کی تقسیم کے آئینی اصول کے خلاف ہے۔
اس کے علاوہ پاکستان تحریک انصاف نے اپنی درخواست میں 26 ویں آئینی ترمیم پر فیصلے تک قائم جوڈیشل کمشین کو ججز کی تعیناتی سے روکنے کی بھی استدعا کی ہے۔
خیال کہ اس سے قبل ر 26 ویں آئینی ترمیم کے خلاف سپریم کورٹ میں 15 درخواستیں دائر ہوچکی ہیں۔