سال2025 کا پہلا منکی پاکس کیس پشاور سے رپورٹ

پشاور:سال 2025 کا پہلا منکی پاکس کیس پشاور ائیر پورٹ سے رپورٹ ہوگیا۔ 
محکمہ پبلک ہیلتھ نے دبئی سے آنے والے شخص میں ایم پاکس کی تصدیق کر دی۔
پشاور ائیر پورٹ پر سکریننگ کے دوران مشتبہ کیس کی نشاندہی کی گئی۔
صوبائی مشیر صحت احتشام علی نے کہا ہے کہ صوبے میں اب تک ایم پا کس کے 10 کیسز رپورٹ ہو چکے ہیں، 2023 میں 2، 2024 میں 7 جبکہ 2025 کا یہ پہلا کیس رپورٹ ہوا ہے۔
کیس رپورٹ ہوتے ہی محکمہ پبلک ہیلتھ کی ٹیم پشاور ائیرپورٹ پہنچ گئی، ٹیم نے مریض کو پولیس سروسز اسپتال منتقل کردیا ہے۔
مشیر صحت نے کہا کہ پولیس اسپتال سے مریض کے نمونے پبلک ہیلتھ ریفرنس لیب بھیجے گئے، جس پر لیب نے 35 سالہ شخص میں ایم پاکس کی تصدیق کی۔