عدت نکاح کیس:بانی پی ٹی آئی اور بشری بی بی کی بریت کے خلاف اپیل سماعت کے لیے مقرر

اسلام آباد:عدت نکاح کیس میں بانی پی ٹی آئی اور ان کی اہلیہ بشریٰ بی بی کے خلاف بریت کی درخواست سماعت کے لیے مقرر ہو گئی ہے۔
عدت نکاح کیس میں بریت کے خلاف درخواست بشری ٰ بی بی کے سابقہ شوہر خاور مانیکا کی جانب سے دائر کی گئی ہے۔
دائر کردہ اپیل میں خاور مانیکا نے 13 جولائی 2024 کا ایڈیشنل سیشن جج کا بریت کا فیصلہ چیلنج کر رکھا ہے۔
 درخواست پر سماعت اسلام آباد ہائی کورٹ میں تعینات نئے جج جسٹس اعظم خان کل بروز پیر کو کریں گے،اپنی دراخواست میں خاور مانیکا نے اپنی اپیل میں ایڈیشنل سیشن جج کا فیصلہ کالعدم قرار دینے کی استدعا کی ہے۔
واضح رہے ایڈیشنل سیشن جج نے 13 جولائی 2024 کو بانی پی ٹی آئی اور بشری بی بی کو عدت نکاح کیس میں بری کردیا تھا ،جبکہ اس سے قبل سینئر سول جج قدرت اللہ نے اڈیالہ جیل میں عدت نکاح کیس میں بانی پی ٹی آئی ور بشریٰ بی بی کو 7، 7 سال قید کی سزا سنائی تھی۔
خاور مانیکا نے ایڈیشنل سیشن جج کے فیصلے کے خلاف اپیل دائر کر رکھی ہے۔