نائیجیریا میں ایک بار پھر آئل کے ٹینکر میں دھماکا، 18 افراد ہلاک،متعدد زخمی

ابوجا:افریقی ملک نائیجریا کی جنوب مشرقی ریاست اینوگو میں فیول ٹینکر میں زور دار دھماکا ہوا ہے ،جس کے نتیجے میں 18 افراد ہلاک جبکہ متعدد افراد زخمی ہو گئے ہیں۔
برطانوی خبر رساں ادارے رائٹرز کے مطابق فیول ٹینکر کے بریک فیل ہونے کے باعث ڈرائیور کنٹرول کھو بیٹھا جس کے باعث حادثہ پیش آیا۔
نائیجرین روڈ سیفٹی کے ترجمان کے بیان کے مطابق بریک فیل ہونے کے بعد ٹینکر ہائی وے پر چلتی دیگر گاڑیوں سے ٹکرایا جس کے باعث زور دار دھماکا ہوا، 
ترجمان کی جانب سے جاری بیان مزیدکہا گیا کہ  اس حادثے میں بچ جانے والے 10 افراد کو مختلف نوعیت کی چوٹیں آئی ہیں تاہم حادثے میں 18 افراد بری طرح سے جھلس کر ہلاک ہوگئے۔
واضح رہےکہ ایک ہفتہ قبل شمالی نائیجیریا میں آئل ٹینکر دھماکا ہوا تھا جس میں تقریباً 100 افراد ہلاک ہوگئے تھے،افریقی ملک نائجیریا میں فیول ٹینکر حادثات معمول بن چکے ہیں۔
 حکام کا کہنا ہے کہ ایسے واقعات سڑکوں کی خراب حالت اور لاپرواہی سے ڈرائیونگ کی وجہ سے رونما ہوتے ہیں جس کے نتیجے میں کئی اموات ہوتی ہیں۔