پاکستان تحریک انصاف کا 8 فروری کو یوم سیاہ منانے کا اعلان

اسلام آباد:پاکستان تحریک انصاف (پی ٹی آئی ) نے 8 فروری کو یوم سیاہ منانے کا اعلان کیا ہے۔
چیئرمین پی ٹی آئی بیرسٹر گوہر نےاسلام آباد میں صحافیوں سے گفتگوکرتے ہوئے کہا کہ خیبر پختونخوا اور شمالی پنجاب سے پی ٹی آئی کے کارکنان صوابی میں جمع ہوں گے،پی ٹی آئی کارکنان اور پارٹی قیادت صوابی میں احتجاج ریکارڈ کرے گی
بیرسٹر گوہر خان نے مزید کہا کہ 8 فروری کو یوم سیاہ منائیں گے ، صوابی کے علاوہ ملک کے دیگر شہروں میں بھی پارٹی  کے کارکنان احتجاجی مظاہرے کریں گے۔
دوسری جانب ذرائع نے کہا ہے کہ تحریک انصاف نے پارٹی رہنماؤں اور کارکنان کی رہائی کے لیے 8 فروری سے دوبارہ تحریک شروع کرنے کا فیصلہ کیا ہے،پہلے مرحلے میں مختلف شہروں میں جلسوں کا انعقاد کیا جائے گا۔
واضح رہے کہ چندروز قبل بھی 8 فروری کو عام انتخابات کا ایک سال مکمل ہونے پر پی ٹی آئی کی جانب سے یوم سیاہ منانے کا اعلان کیا گیا تھا۔