سونے کی قیمت میں ایک مرتبہ پھر اضافہ،قیمت تاریخ کی بلند ترین سطح پر گئی

کراچی:کاروباری ہفتے کےچوتھے روز عالمی و مقامی مارکیٹوں میں سونے کی قیمت میں ایک مرتبہ پھر اضافہ دیکھا گیا جس کے بعد سونے کی قیمت ملکی تاریخ کی بلند ترین سطح پر پہنچ گئی ہے۔
آل پاکستان جیمز اینڈ جیولرز ایسوسی ایشن کے مطابق کاروباری ہفتے کے چوتھے روز مقامی صرافہ مارکیٹوں میں سونا 1600 روپے فی تولہ مہنگا ہونے کے بعد ملکی تاریخ کی بلند ترین سطح پر پہنچ گیا ہے،1600روپے اضافے کے بعد فی تولہ سونےکی قیمت 2 لاکھ 90 ہزار 3 سو روپے ہوگئی ہے۔
اسی طرح10 گرام سونے کی قیمت میں 1372 روپے کا اضافہ ہوا ہے جس کے ملک میں دس گرام سونے کی قیمت  248885 روپے ہوگئی۔
دوسری جانب عالمی مارکیٹ میں سونے کی قیمت میں15 ڈالر فی اونس کا اضافہ ہوا ہے جس کے بعد عالمی مارکیٹ میںسونا 2778 ڈالر کا ہوگیا۔
خیال رہے کہ گزشتہ روز سونے کے نرخوں میں 2300 روپے فی تولہ اضافہ ہوا تھا۔