ٹک ٹاک بنانے کا شوق ایک اور نوجوان کی زندگی نگل گیا

لاہور:ٹک ٹاک بنانے کے شوق نے ایک اور نوجوان کی کی جان لےلی۔
صوبائی دارالحکومت لاہور کے علاقےشاد باغ میں عبدالرحمٰن نامی نوجوان ٹک ٹاک بنا رہا تھا کہ اس دوران اس کے پستول سے اچانک گولی چل گئی جس کے نتیجے میں17 سالہ لڑکاجاں بحق ہوگیا۔
نوجوان عبدالرحمن کی لاش کو پوسٹ مارٹم کے لیے اسپتال منتقل کردیا گیا ہے۔
پولیس کو دئیے گئے بیان کے مطابق نوجوان عبدالرحمٰن ماموں کے گھر آیا تھا، جہاں اچانک گولی چلنے کا واقعہ پیش آیا، لڑکے کی عمر 17 سال ہے، جس کو سینے پر ایک گولی لگی جو جان لیوا ثابت ہوئی۔
پولیس کے مطابق نوجوان اپنی والدہ کے ساتھ ایک رشتے دار کی رسم چہلم میں شرکت کے لیے آیا تھا، حادثے کی اطلاع ملتے ہی پولیس جائے وقوع پر پہنچی اور لاش کو اسپتال منتقل کیا۔
پولیس نے موقع پر موجود افراد کے بیانات ریکارڈ کرکے مزید کارروائی شروع کردی ہے۔