7 فروری کو قذافی اسٹیڈیم کا افتتاح وزیر اعظم کریں گے ، محسن نقوی

چیئرمین پاکستان کرکٹ بورڈ ( پی سی بی) محسن نقوی کا کہنا ہے قذافی اسٹیڈیم لاہور کا افتتاح 7 فروری کو وزیر اعظم شہباز شریف کریں گے۔

قذافی اسٹیڈیم لاہور میں پریس کانفرنس سے خطاب کرتےہوئے چیئرمین پی سی بی محسن نقوی نے کہاکہ ستمبر میں قذافی اسٹیڈیم مکمل کرنے کےلیے 31 جنوری کا وعدہ کیا تھا،ستمبر میں قذافی اسٹیڈیم کا کام شروع کیاتھا۔

انہوں نےکہا کہ 8 اکتوبر کو اس اسٹیڈیم کی تعمیر کا کام شروع کیاتھا، آپ دیکھ سکتے ہیں کہ اسٹیڈیم کی تعمیر کس مرحلے میں ہیں،چیمپیئن ٹرافی کی ایک تقریب رونمائی آئی سی سی کے اشتراک سے 16 فروری کو رکھی گئی ہے۔

ایف ڈبلیو کی محنت سے اسٹیڈیم کی تعمیر مکمل ہوئی قذافی اسٹیڈیم کا افتتاح 7 فروری کو وزیر اعظم شہباز شریف کریں گے۔
انہوں نے بتایا کہ میرےسے زیادہ میڈیا نے اس اسٹیڈیم کےکام کی رفتار اور جائزہ لینے کے لیے چکر لگائے ہیں جس پر کسی نے مثبت تنقید بھی کی اور کسی نے منفی پروپیگنڈا بھی کیا۔