وفاقی حکومت نے ارکان پارلیمنٹ کی تنخواہوں میں اضافے کی منظوری دے دی

اسلام آباد:وفاقی حکومت کی جانب سےاراکین پارلیمنٹ کی تنخواہوں میں اضافہ کی منظوری دے دی گئی ،جس کے بعدہر رکن پارلیمنٹ کو 5 لاکھ 19 ہزار روپے تنخواہ کی مد میں ملیں گے۔
پارلیمانی ذرائع کے مطابق ارکان اسمبلی کی تنخواہ میں اضافہ یکم جنوری 2025 سے لاگو ہو گا۔
 ذرائع کا کہنا ہے کہ اسپیکر اور ڈپٹی ا سپیکر کی قومی اسمبلی کی تنخواہ نہیں بڑھائی گئی، اسپیکر اور ڈپٹی اسپیکر 2 لاکھ 18 ہزار روپے ماہانہ ہی وصول کریں گے۔
اسپیکر آفس کا کہنا ہے کہ اسپیکر اور ڈپٹی اسپیکر کی تنخواہ فنانس کمیٹی نہیں بڑھا سکتی۔