کلیدی اصلاحات سے اقتصادی استحکام میں مدد مل رہی ہے،احسن اقبال

وفاقی وزیر برائے منصوبہ بندی و ترقی احسن اقبال نے ایک مالیاتی ادارے برٹش انٹرنیشنل انویسٹمنٹ کا دورہ کیا اور اڑان پاکستان لائحہ عمل کے تحت اقتصادی تعلقات کو فروغ دینے کے طریقوں پر تبادلہ خیال کیا۔

منصوبہ بندی کے وزیر نے اڑان پاکستان اقدام کے تحت اقتصادی سرگرمیوں کو تیز کرنے کے لیے نجی شعبے کی شراکت داری کو متحرک کرنے پر تبادلہ خیال کیا۔

انہوں نے کلیدی شعبوں بالخصوص بنیادی ڈھانچے اور موسمیاتی تغیرات میں سرمایہ کاری کو وسعت دینے میں بی آئی آئی کے اہم کردار کو اجاگر کیا۔

انہوں نے کہا کہ پاکستان کی نوجوان اور متحرک افرادی قوت ہمارااہم اثاثہ ہے جس سے ملک صنعتوں کے لیے ایک پرکشش مقام بن سکتا ہے۔

احسن اقبال نے کہا کہ توانائی کی قیمتوں کا تعین، سپلائی CHAIN آپٹیمائزیشن اور ٹیکس کے نظام میں کلیدی اصلاحات سے اقتصادی استحکام میں مدد مل رہی ہے۔