چیمئنز ٹرافی: پاکستانی ٹیم کو ایک اور بڑا دھچکا، فخر زمان ٹورنامنٹ سے باہر

چیمئنز ٹرافی، پاکستانی ٹیم کو ایک اور بڑا دھچکا، فخر زمان ٹورنامنٹ سے باہر ہو گئے۔

چیمئنز ٹرافی کے ابتدائی میچ میں فیلڈنگ کے دوران انجری کا شکار ہونے والے قومی ٹیم کے اوپنر فخر زمان ٹورنامنٹ سے باہر ہوگئے، ڈاکٹر نے فخر زمان کو مکمل آرام کا مشورہ دیا ہے۔

ذرائع کے مطابق قومی ٹیم بھارت کے خلاف 23 فروری کو ہونے والے میچ کے لیے کراچی سے دبئی کے لیے آج روانہ ہو گئی ہے تاہم فخر زمان دبئی روانہ ہونے والی ٹیم کے ہمراہ نہیں جا رہے۔

ذرائع کا بتانا ہے کہ فخر زمان کی انجری سنجیدہ نوعیت کی ہے، فخر زمان ٹورنامنٹ میں مزید نہیں کھیل پائیں گے۔

ذرائع کے مطابق پاکستان کرکٹ بورڈ کی جانب سے متبادل کھلاڑی کیلئے آئی سی سی ٹیکنیکل کمیٹی سے رابطہ بھی کیا گیا ہے، فخر زمان کی جگہ متبادل اوپنر کے لیےمخلتف ناموں پر غور کیا جا رہا ہے۔