وزیر خزانہ کا سرمایہ کارانہ ماحول کو فروغ دینے کیلئے پاکستان کے عزم کااعادہ

خزانہ اورمحصولات کے وزیر محمد اورنگزیب نے ساز گار سرمایہ کارانہ ماحول کو فروغ دینے کے پاکستان کے عزم کااعادہ کیا ہے۔

انہوں نے ان خیالات کا اظہار آج اسلام آباد میں کثیر الجہتی انوسٹمنٹ گارنٹی ایجنسی کے ایک وفدسے گفتگو کرتے ہوئے کیا ، انہوں نے میگا کے ساتھ جاری تعاون سے ملکی معاشی و اقتصادی شعبے کی ترقی میں بہتری کی امید ظاہر کی۔

وفد نے پاکستان کے مالیاتی اداروں اور سرمائے کی منڈی میں اپنی ادارہ جاتی حمایت کے عزم کا اظہار کیا اور ملکی معاشی صلاحیتوں پر اطمینان کا اظہار کیا۔