قلات میں سیکیورٹی فورسز کی گاڑی کے قریب دھماکا، ایک اہلکار شہید

قلات :صوبہ بلوچستان کے ضلع قلات کی مین شاہراہ پر سیکورٹی فورسز کی گاڑی پر حملہ ہوا ہے،جس کے نتیجے میں ایک اہلکار شہید چار زخمی ہو گئے۔
ذرائع کے مطابق دھماکے میں ونگ کمانڈر محفوظ رہے، جبکہ حملے میں نائیک عطا اللہ شہید، سپاہی وکیل ودیگر زخمی ہوئے،دھماکہ مغل زئی کے علاقے میں ہوا۔
ذرائع کا کہنا ہے کہ دھماکا اس وقت ہوا جب مڈوے کے قریب سیکیورٹی فورسز کا قافلے گزر رہا تھا،حملے کے بعد سکیورٹی فورسز نے علاقے کو گھیرے میں لے لیا ۔
ریسکیو حکام کا کہنا ہے کہ دھماکے میں زخمی ہونے والوں کو مقامی ہسپتال منتقل کردیا گیا جہاں انہیں طبی امداد دی جارہی ہے۔
دوسری جانب ڈپٹی کمشنر قلات نے واقعہ کی تصدیق کرتے ہوئے کہا کہ دھماکہ خود کش تھا۔