دنیا میں سب سے طویل اور مختصرروزہ کس ملک میں رکھا جا رہا ہے اور کتنے گھنٹے کا ہے؟

دنیا کے مختلف ممالک میں سورج کے طلوع و غروب کے اوقات مختلف ہونے کے باعث روزے کے دورانیے میں بھی نمایاں فرق پایا جاتا ہے۔
رواں برس رمضان المبارک کے دوران دنیا کا سب سے طویل روزہ سوئیڈن اور ناروے میں ہےجہاں روزے کا دورانیہ ساڑھے بیس گھنٹےہیں،  جب کہ سب سے مختصر روزہ جنوبی امریکی ملک چلی میں ہے، جس کا دورانہ گیارہ گھنٹے ہیں۔
سویڈن اور ناروے کے بعد سب سے طویل روزہ گرین لینڈ اور آئس لینڈ میں رکھا جارہا ہے جس کا دورانیہ بیس گھنٹے طویل ہوگا۔
خیال رہے کہ پاکستان میں روزے کا دورانیہ بارہ گھنٹے اور اٹھاون منٹ ہوگا۔
عرب ممالک میں سب سے طویل روزہ الجزائر میں ہوتا ہے جس کا دورانیہ 16 گھنٹے 44 منٹ ہے۔
جبکہ برازیل، جنوبی افریقا، ارجنٹائن، نیوزی لینڈ، دبئی، نئی دہلی اور انڈونیشیا میں روزہ ساڑھے بارہ گھنٹے طویل ہوگا،اسی طرح مدینہ منورہ، نیویارک، امریکا اور استنبول میں روزے کا دورانیہ تیرہ گھنٹے ہوگا۔