چیمپیئنز ٹرافی فائنل:انجری کے باعث میٹ ہنری کی میں شرکت مشکوک

دبئی :نیوزی لینڈ کے فاسٹ باؤلر میٹ ہنری کی انجری کی وجہ سےبھارت کے خلاف کھیلے جانے والے آئی سی سی چیمپیئنز ٹرافی کے فائنل میں شرکت مشکوک ہو گئی ہے۔
ہنری انجری جنوبی افریقہ کے خلاف لاہور میں کھیلے جانے والے سیمی فائنل کے دوران انجری کا شکار ہوئے تھے۔
نیوزی لینڈ کے ہیڈ کوچ گیری اسٹیڈ نے میڈیا سے بات کرتے ہوئے کہا کہ کیوی پیسر کی فائنل میں شرکت کے امکانات تاحال غیر یقینی ہیں۔
وہ چیمپیئنز ٹرافی کے سب سے کامیاب باؤلر ہیں، انہوں نے 16.70 کی اوسط سے 10 وکٹیں حاصل کر رکھی ہیں،وہ سیمی فائنل میں کیچ لیتے ہوئے انجری کا شکار ہوئے تھے۔
یاد رہے کہ گروپ اسٹیج کے میچ میں بھارت کے خلاف انہوں 5 وکٹیں حاصل کی تھیں۔