Advertisement

سی ٹی ڈی پنجاب کی مختلف شہروں میں کارروائیاں، 10 دہشتگرد گرفتار

کہ دہشت گرد مختلف مقامات پر کاروائیاں کر کے عوام میں خوف و ہراس پھیلانا چاہتے تھے،ترجمان

GNN Web Desk
شائع شدہ 2 سال قبل پر مارچ 8 2025، 5:38 شام
ویب ڈیسک کے ذریعے
سی ٹی ڈی پنجاب کی مختلف شہروں میں کارروائیاں، 10 دہشتگرد گرفتار

لاہور:محکمہ انسداد دہشت گردی (سی ٹی ڈی )نے پنجاب کے مختلف شہروں میں انٹیلیجنس بیسڈ کارروائیاں کرتے ہوئے  10 دہشت گردوں کو گرفتار کرلیا گیا۔
ترجمان کاؤنٹر ٹیررازم ڈپارٹمنٹ ( سی ٹی ڈی) کے مطابق کارروائیا ں راولپنڈی، ٹوبہ ٹیک سنگھ ،خوشاب ، بہاول نگر،رحیم یار خان ،راجن پور،بھکراور جہلم میں کی گئی۔
ترجمان کا کہنا ہے کہ خوشاب اور جہلم سے ٹی ٹی پی کے 2 خطرناک دہشت گردوں کو بارودی مواد سمیت گرفتار کیا گیا۔
ترجمان کے مطابق گرفتا ر ہونے والوں دہشت گردوں سے دھماکا خیز مواد ،آئی ای ڈی بم ،ڈیٹونیٹر، 19حفاظتی فیوز، تار35 فٹ ، پمفلیٹ ، نقدی اورموبائل فون برامد کیے گئے
۔دہشت گردوں کی شناخت ریاض ،شفیق ،رشید ،جاوید ،ظہیر،ظہیر الدین ،حفیظ ،وزیر ،اصف اوروحید  کے نام سے ہوئی۔
 حکام کا کہنا ہے کہ دہشت گرد مختلف مقامات پر کاروائیاں کر کے عوام میں خوف و ہراس پھیلانا چاہتے تھے۔

Advertisement
رجحانات
Advertisement