کراچی میں خواتین غیرمحفوظ ، ملزمان کی دکان کے اندر خاتون سے لوٹ مار

کراچی :شہر قائد میں خواتین بھی غیر محفوظ ہو گئیں،ڈاکووّں کی دکان کے اندر لوٹ مار کی واردات سامنے آئی ہے، ملزمان خاتون سے سونے کے زیورات لوٹ کر فرار ہوگئے۔
تفصیلات کے مطابق یہ واقعہ کراچی میں گلشن اقبال بلاک تیرہ ڈی کی نجی سوسائٹی میں پیش آیا جہاں دکان کے اندر خاتون سے لوٹ مار کی گئی، اورملزمان سونے کے زیورات لوٹ کر فرارہو گئے۔
سی سی ٹی وی فوٹیج میں دیکھا جا سکتا ہے کہ مسلح ڈاکوؤں نے دکان میں داخل ہو کر خاتون سے سونے کے کنگن چھینے، ایک ڈکیت نے خاتون کو ہراساں کرتے ہوئے زیورات اتروائے اور فرار ہوگئے۔
دونوں ملزمان نے اپنے چہرے بھی چھپانے کی کوشش کی، ملزمان اسلحہ کے زور پر خاتون سے دن دہاڑے لوٹ مار کرکے فرار ہوگئے۔